Ekainaren 1ean zatoz Balmasedara!
Aurten,
inoiz baino gehiago agian, murrizketarik gabeko eta LOMCErik gabeko
Euskal Eskola Publikoa aldarrikatuko dugu Balmasedan, eta Europan
gertatzen den moduan, eskola publikoa hezkuntza-sistemaren oinarrizko
ardatz egituratzailea izan behar dela.
Indarrak batu behar ditugu hainbat
erasori aurre egiteko. Gero eta diru gutxiago dago gure Eskolarentzat:
azpiegiturentzat, gure seme-alaben garraioarentzat, euren
testu-liburuentzat, guraso elkarteontzat, aniztasunari aurre egiteko
baliabideentzat, irakasleentzat…
Hori gutxi balitz, LOMCEk hezkuntzaren
pribatizazioan sakondu nahi du eta pasa den mendera atzera eginarazi,
guk nahi dugun hezkuntza-sistema lortzeko aurrera egin ordez.
Guzti hori gogoraraziko dugu Balmasedan.
Baina gauza guztien gainetik, egun ederraz disfrutatu nahi dugu,
egitarau ederra prestatu dugu, jai-giroaz gozatzeko gure Eskola
aldarrikatuz aldi berean.