Zer da Bihotz Berdeak?
Bihotz Berdeak 12 eta 15 urte bitarteko gazte naturalistei zuzendutako programa da, berezkoa duten naturarekiko ezagutza eta zaletasuna sustatzea helburu duena. Urria eta ekaina bitartean, askotariko diziplinak lantzeko irteera ezberdinak antolatzen dira hilean behin, igande goizetan, Gipuzkoako naturagune eta txoko ezberdinetara.
Gazteei urte beteko ibilbidea proposatzen zaie, ondoren, bakoitzaren interesak, nahiak eta aukerak jorratzen jarraitzeko bidea bilatzen lagunduz.
- Gai bakoitzeko adituek gidatutako saioak, euskaraz.
- Lagunarteko giro batean, ezagutzarako leiho berriak irekiko ditugu, ekoaktibismoa bultzatzearekin batera.
- Esperientzia plazeretik bizitzea eta gazteek berezkoa duten natur zaletasunari jarraipena ematea lehenesten du egitasmoak, teoria eta praktika uztartzen dituzten saioen bitartez.
- Horrez gain, programak lagun berriak egin eta pasioak partekatzeko aukera emango dizue.
Izen-emateak
2026 – 2027 ediziorako izen-emateak maiatzetik aurrera egongo dira ZABALIK Aranzadiren web orrialdean.
Gogoan izan plaza mugatuak direla. Programak gazteei lagun berriak egiteko eta pasioak partekatzeko aukera emango die.
.png)