.png)
Guztira, 12.000 euroko diru-laguntza emango da, eta bi ikerketa lagunduko dira diruz, bakoitza 6.000 eurorekin.
Zein da bekaren helburua?
Iñaki Arregi bekaren bidez, udalerri euskaldunen inguruko ezagutza sustatu eta haien garrantzia aztertu nahi da. Horretarako, ikerketa-proiektuek honako arlo hauetako bat edo batzuk landu ahal izango dituzte:
- Udalerri euskaldunetarako garapen-eredu edo -proposamen ezberdinak aztertzea.
- Udalerri euskaldunetako egoera soziolinguistikoan sakontzea.
- Udalerri euskaldunen garrantzia ikertzea eta frogatzea.
Nork eska dezake beka?
Beka norbanakoek edo ikerketa egiteko berariaz osatutako lantaldeek eskatu ahal izango dute. Lantaldeen kasuan, ikerketaren zuzendari arduradun bat izendatu beharko da.
Kontuan izan behar da ikerketa euskaraz egin beharko dela.
Zenbatekoa eta eskaerak aurkezteko epea
Deialdi honetan bi ikerketa lagunduko dira diruz, bakoitza 6.000 eurorekin. Beraz, guztira 12.000 euro banatuko dira.
Eskaerak aurkezteko azken eguna 2026ko azaroaren 20a izango da.
.png)